اچھر تُرنییہ ورقن پیٹھ
تہ معنے زن رِننیوو اٹلَس
خیالن یاگی ہانُگل گوو
تہ لفظو دِگنہ تروو زن اوش
تہ ہاشی زن گأمژ فلواہ
سطورن لوٗر ہِش وایان
کتھن کتہ نیرِ شل وونی زانہہ
تہ وأنسٹھ بونہ ما لگہ کآڈ
ووں کُس پَرِ لولہ خط سایس
تہ کُس ادرایہ چشمن بلٸ
ووں کتہ فرصت چِھ وقتس از !
برُنزاہ دییہ فہہ تہ شٹھراوَیم
تہ کتہ ییہ زوٗن میہ نِش راتھاہ !
تہ کتِھ روپہ جامہٕ پأراویم
دودُر کاکُد بہ صٸدین ہُند
طمح کیا میلہ کَنہ ہندی چِھم
خبر گژھہ کُس ووں تتھ شہرس
میہ انہے تاپہ ٹیوک موچِھ منز
بہ بنہا کورٕ کاکُد ہیو
بہ بنہا کورٕ کاکُد ہیو
